Pritshmëritë e CEO-ve për rritje të nxitur nga IA mbeten të larta në 2026, ndërkohë që punonjësit po përballen me realitetin më të ftohtë të performancës aktuale të IA.
Studimet e Gartner tregojnë se vetëm një në 50 investime në IA sjell vlerë transformuese dhe vetëm një në pesë prodhon ndonjë kthim të matshëm nga investimi.
Në 2026, ekipet drejtuese duhet të menaxhojnë një tension të vështirë: të realizojnë objektivat e rritjes sot, duke ndërtuar njëkohësisht një forcë punëtore të aftë të krijojë vlerë në të ardhmen.
Për këtë, duhet të fokusohen te tre prioritete: (1) përshtatja me realitetet e reja të epokës së IA, ku marrëveshja e punës është në ndryshim; (2) zbutja e kërcënimeve të reja për performancën organizative; dhe (3) shfrytëzimi i mundësive të një fuqie punëtore të përzier njeri–makinë.
1. Pushimet nga puna për shkak të IA ecin më shpejt se fitimet reale të produktivitetit.
Në 2025 pati pushime të mëdha, por më pak se 1% lidhen drejtpërdrejt me rritje reale produktiviteti nga IA. Në 2026, organizatat rrezikojnë të kenë ulur stafin para kohe dhe të detyrohen të ri-punësojnë me kosto më të larta.
2. Dissonanca kulturore frenon performancën.
Shumë kompani kërkojnë më shumë nga punonjësit pa ofruar më shumë në këmbim, duke krijuar mospërputhje mes kulturës së deklaruar dhe realitetit, me pasoja në angazhim dhe reputacion.
3. IA dëmton “fitnesin mendor”.
Përdorimi i gjerë i IA gjeneruese po shoqërohet me rreziqe emocionale dhe njohëse. 91% e drejtuesve të IT-së thonë se organizatat e tyre nuk monitorojnë efektet psikologjike të përdorimit të IA.
4. “Workslop” bëhet barrë produktiviteti.
Presioni për të përdorur IA prodhon punë të shpejtë, por me cilësi të ulët dhe plot gabime, duke konsumuar kohë dhe duke ulur vlerën reale.
5. Rikthimi i humanitetit në rekrutim.
Automatizimi i tepruar ul besimin dhe cilësinë e kandidatëve. Strategjitë më të suksesshme do të kombinojnë IA me vlerësime njerëzore dhe takime reale.
6. Rriten rreziqet e spiunazhit të brendshëm.
Deepfake dhe profile të rreme po përdoren për infiltrime, duke e bërë BNJ pjesë kyçe të sigurisë.
7. Karriera nga teknologjia drejt zanateve.
Punonjësit dixhitalë kërkojnë profesione “rezistente ndaj IA”, duke krijuar oferta të reja për tregun e punëve të kualifikuara.
8. Ekspertët e proceseve, jo “yjet e teknologjisë”, krijojnë vlerë.
Riorganizimi i mënyrës së punës sjell më shumë përfitim sesa ndjekja e talenteve të rralla teknike.
9. Punonjësit kërkojnë kompensim për “kopjet dixhitale”.
Replikimi i figurës dhe aftësive të tyre me IA hap debate të reja ligjore dhe financiare.
Në përfundim, drejtuesit duhet të zgjedhin trendet kryesore për sektorin e tyre dhe t’i kthejnë nga aspirata në veprim konkret në epokën njeri–makinë. / Harvard Business Review
