Një 55-vjeçar u arrestua nën akuzën e vrasjes së bashkëshortes së tij, në ditën e dasmës. Mes çiftit lindi një sherr gjatë ceremonisë, që u pasua me të shtëna me armë, ndërsa viktimë ka mbetur Nazila Duenas Nascimento, 34 vjeçe. Policia arrestoi bashkëshortin e saj, 55-vjeçarin, Daniel Barboza Marinho. Krimi ka ndodhur në Sao Paulo në Brazil.
Sipas policisë, Marinho qëlloi Nazilën dhe u largua nga festa e dasmës që po zhvillohej në Campinas, São Paulo, përpara se të kthehej dhe të hapte zjarr ndaj saj.
Dhëndri u arrestua menjëherë më pas dhe po mbahet nën dyshimin për vrasje. Policia zbuloi se Nazila kishte tre fëmijë nga një lidhje e mëparshme. Sipas policisë, një debat i ashpër shpërtheu mes tyre në festë.
Marinho, i cili punon si oficer i policisë bashkiake, thuhet se u përlesh me gruan e tij. Të afërmit e tmerruar arritën t’i largonin fëmijët nga vendi i ngjarjes përpara se situata të përshkallëzohej. 55-vjeçari dyshohet se nxori armën e tij të shërbimit dhe qëlloi Nazilën përpara se të ikte.
Dëshmitarët okularë u thanë autoriteteve lokale se pak kohë më vonë ai u kthye dhe qëlloi përsëri gruan e tij të sapomartuar. Ekipet e shpëtimit menjëherë shkuan në vendngjarje, ndërsa mjekët po luftojnë për ta mbajtur atë në jetë.
Pavarësisht përpjekjeve të tyre, gruaja ndërroi jetë nga plagët e marra. Marinho shërben si roje bashkiake, ose polic që patrullon hapësirat publike.
Sipas mediave lokale, ai kishte punuar në Gardën Bashkiake të Cabindës që nga viti 1998. Policia tha se dhëndri i kontaktoi vetë autoritetet pas të shtënave.
Në një deklaratë, Roja Bashkiake lokale tha se shpreh trishtimin e saj të thellë për incidentin dhe riafirmon angazhimin e saj për të luftuar të gjitha format e dhunës.
Autoritetet po hetojnë rrethanat e sakta në të cilat ndodhi incidenti i përgjakshëm.
