Donald Trump, prej kohësh kërkon burgosjen e kundërshtarëve. Për herë të parë, ai ka një Departament Drejtësie të gatshëm të zbatojë urdhrat e tij.Një mesazh nga Presidenti Donald Trump në Truth Social shkaktoi një nxitim të jashtëzakonshëm që e ka shndërruar frikën në realitet: një president që drejton personalisht akuza penale kundër njerëzve që i sheh si armiqtë e tij.
Deklaratat publike të Trump për Prokuroren e Përgjithshme Pam Bondi (të cilën ai mund ta ketë menduar si një mesazh privat) nuk janë më të fshehta.
Presidenti përmendi tri figura publike që ai i ka urryer prej kohësh dhe i kërkoi Departamentit të Drejtësisë t’i ndjekë penalisht menjëherë.
3 javë më pas, dy prej tyre janë nën akuzë: ish-drejtori i FBI-së James Comey dhe Prokurorja e Përgjithshme e Nju Jorkut Letitia James. Të dy kanë mohuar çdo shkelje.
Ndërkohë shumë objektiva të tjerë që Trump dëshiron t’i shohë në burg po përgatiten për atë se kush do të jetë i radhës.
Trump ka njoftuar se turneu i tij i hakmarrjes sapo ka filluar.
Këtë javë, Trump sugjeroi që Guvernatori i Illinois, JB Pritzker dhe Kryetari i Bashkisë së Çikagos, Brandon Johnson duhet të jenë në burg për trajtimin ndaj autoriteteve federale të imigracionit.
Ish-këshilltari i sigurisë kombëtare John Bolton, për të cilin Trump tha që në vitin 2020 duhet të mbahet në paraburgim, është nën shqyrtimin e FBI-së për trajtimin e informacionit të klasifikuar.
Departamenti i Drejtësisë thuhet se po heton Fani Ëillis, prokuroren e distriktit të zonës së Atlantës e cila ngriti akuza penale kundër Trump.
Trump po përpiqet të shkarkojë anëtaren e bordit të Rezervës Federale, Lisa Cook, për shkak të akuzave të diskutueshme për mashtrim hipotekor, të ngjashme me ato me të cilat përballet tani James.
Në fakt, problemet e dyshuara me hipotekat janë bërë një nga problemet e preferuara të administratës. Besohet se Departamenti i Drejtësisë po heton Schiff-in në lidhje me hipotekat mbi dy prona.
Sigurisht, Trump ka kohë që ka bërë thirrje të paqarta për burgosjen e kundërshtarëve të tij politikë. Në një debat presidencial të vitit 2016, ai i tha Hillary Clinton se ajo do të ishte në burg nëse ai do të fitonte zgjedhjet. Dhe gjatë gjithë mandatit të tij të parë në detyrë, ai u zotua të ndiqte penalisht armiqtë e tij të perceptuar.
Por ndjekjet penale të shpejta të Comey dhe James janë një kontrast i theksuar me mandatin e parë të Trump. Më pas, ai u kufizua nga prokurorët e tij të përgjithshëm dhe një Departament Drejtësie që kryesisht i hodhi poshtë thirrjet e tij për të injoruar normat pas Ëatergate. Sipas këtyre normave, zyrat e prokurorëve të SHBA-së duhet të funksionojnë në distancë të afërt me selinë e Departamentit të Drejtësisë, dhe prokurori i përgjithshëm ka aftësinë, nëse jo detyrimin, t’i rezistojë presionit për të kryer detyrat politike të presidentit.
Një nga prokurorët e përgjithshëm të mandatit të parë të Trump, Ëilliam Barr, u ankua publikisht në vitin 2020 se Trump duhet “të ndalojë së shkruari në Tëitter për çështjet penale të Departamentit të Drejtësie”.
Megjithatë, në mandatin e tij të dytë, Bondi dhe udhëheqës të tjerë të lartë të Departamentit të Drejtësisë duket se i kanë pranuar me lehtësi kërkesat e Trump.
Kur prokurorët federalë kanë rezistuar, ai thjesht i ka zëvendësuar ata me avokatë më të bindur, në disa raste duke përdorur metoda ligjërisht të dyshimta për t’i emëruar ata shpejt dhe për të anashkaluar konfirmimin e Senatit.
Jo vetëm që ai e zgjodhi me kujdes Halligan për të ngritur akuzat kundër Comey dhe James, por në rastin e Comey-t, Halligan nga ana tjetër ndërmori hapin shumë të pazakontë të kërkonte jashtë zyrës së saj për të gjetur prokurorë të linjës që do të punonin në çështje, duke sjellë ndihmës-prokurorë amerikanë nga Karolina e Veriut.
Bondi, nga ana e saj, këmbëngul se në fakt po punon për t’i dhënë fund “armatimit” të Departamentit të Drejtësisë, pasi departamenti ngriti akuza ndaj Trumpit për dy çështje penale gjatë administrimit të ish-Presidentit Joe Biden.
Çështjet kundër Trump u ngritën nga një këshilltar i posaçëm, i hequr nga zinxhiri i zakonshëm komandues i Departamentit të Drejtësie.
Rastet e reja të ngritura kundër armiqve të Trump janë krejtësisht të dallueshme, pasi as Bondi marrësja e direktivave të presidentit për ndjekje penale, nuk ka mundur t’i mohojë.
E pyetur të martën gjatë një paraqitjeje para Komitetit Gjyqësor të Senatit nëse ajo ishte, “Pam”-i për të cilin Trump po i referohej në postimin e tij fatal në mediat sociale, Bondi bëri një pauzë të shkurtër dhe tha: “Jam e sigurt që isha unë”. / Marrë nga “Politico”
