Pas shumë ditësh negociata, Ardon Jashari më në fund është një lojtar i Milan-it. Megjithatë, raportet e fundit nxjerrin në pah se kush fshihet pas arritjes së kësaj marrëveshjeje tepër komplekse.
Sipas asaj që është raportuar nga portalin belg “hln.be”, Zlatan Ibrahimovic, i cili vepron si këshilltar i lartë i klubit dhe firmës së pronësisë “RedBird”, e telefonoi Jasharin gjatë bllokimit të negociatave në mënyrë që të bindte shqiptarin të shtynte përpara një transferim te Milan-i.
Ibrahimovic ishte njeriu që qëndroi pas bindjes së Jasharit, duke i shpjeguar lojtarit të Kombëtares së Zvicrës në mënyrë të detajuar për projektin e klubit kuqezi.
Milan-i konfirmoi blerjen e Jasharit të mërkurën pasdite, 6 gusht.
Besohet se transferimi është bërë për një shumë prej rreth 37 milionë eurosh, përfshirë bonuset, dhe mesfushori zviceran i bashkohet klubit për të ndihmuar në mbushjen e boshllëkut të lënë nga Tijjani Reijnders, i cili iu bashkua Manchester City-t në fillim të kësaj vere.
Jashari vjen i ri pas një sezoni të fortë në Belgjikë, duke u votuar si “Lojtari i Sezonit” dhe “Lojtari i Ri i Sezonit” në Ligën Belge Pro 2024-25.
Ai shënoi tre gola dhe dha katër asiste në ligë dhe ishte një pjesë thelbësore e mesfushës së skuadrës belge.
