Industria turke e mbrojtjes dhe hapësirës ajrore ka shënuar një tjetër pikë historike këtë vit, me eksportet që kanë arritur në 7.4 miliardë dollarë gjatë periudhës janar-nëntor 2025.
Shifra u bë publike nga drejtuesi i Agjencisë së Industrisë së Mbrojtjes (SSB), Haluk Görgün, i cili theksoi se bëhet fjalë për një rritje prej 30 për qind krahasuar me të njëjtën periudhë të një viti më parë.
Kjo shumë 11-mujore jo vetëm që tejkalon çdo rekord të mëparshëm vjetor, por konsiderohet një hap i rëndësishëm në konsolidimin e rolit të Turqisë si eksportuese e teknologjive të avancuara të mbrojtjes.
Në nëntor, eksportet arritën 747 milionë dollarë, një rritje vjetore prej 22 për qind.
Sipas Görgün, kjo nuk është thjesht pasojë e volumit më të madh të shitjeve, por pasqyrë e një transformimi strukturor të sektorit: kalimi nga prodhimet e thjeshta tek sistemet me vlerë të lartë të shtuar, zgjerimi i pranisë në tregjet ndërkombëtare dhe forcimi i konkurrueshmërisë në industri të kërkuara globalisht.
