Presidenti amerikan Donald Trump përsëriti zhgënjimin e tij gjatë konferencës së përbashkët me shefin e NATO-s, Mark Rutte që homologu rus Vladimir Putin i ka rezistuar arritjes së një marrëveshjeje me Ukrainën për t’i dhënë fund luftës.
Ai tha se bisedat e tij me shefin e Kremlinit “janë gjithmonë shumë të këndshme”, por “pastaj raketat shpërthejnë atë natë”.
Putini “e di se çfarë është një marrëveshje e drejtë”, tha Trump.
Trump u duk gjithnjë e më optimist se kombet evropiane do të luajnë një rol më të madh në kundërshtimin e luftës së Rusisë me Ukrainën dhe do të shpenzojnë më shumë për të ndihmuar në rritjen e sigurisë ushtarake në kontinent.
Shefi i Shtëpisë së Bardhë thotë se është i kënaqur që Evropa shpenzon më shumë për mbrojtje – pasi shumë anëtarë të NATO-s në një samit të kohëve të fundit në Hagë ranë dakord të rrisin shpenzimet në 5 për qind të PBB-së së tyre – dhe përsëriti ankesat e tij se SHBA-të ende shpenzojnë shumë për të mbrojtur Ukrainën.
“Shpirti që ata kanë është i mahnitshëm”, tha Trump. “Në fund të fundit, të kesh një Evropë shumë të fortë është një gjë e mirë”, tha Trump.
