Ekspertët e sigurisë ushqimore paralajmërojnë se shkrirja e mishit të pulës dhe mishrave të tjerë në temperaturë dhome mund të jetë e rrezikshme për shëndetin. Arsyeja është se bakteret fillojnë të shumohen menjëherë sapo mishi qëndron jashtë frigoriferit, duke u përhapur në duar, enë, lecka kuzhine dhe sipërfaqe të tjera.
Rreziqet kryesore:
- Shkrirja në temperaturë dhome favorizon zhvillimin e baktereve.
- Shkrirja në mikrovalë dëmton teksturën e mishit dhe krijon kushte për bakteret.
- Rreziku i bartjes së baktereve në kuzhinë është i lartë.
Metodat e sigurta për shkrirjen e mishit:
- Vendosja e mishit nga frizi në frigorifer një natë para gatimit.
- Metoda e shpejtë: futja e mishit në qese plastike të mbyllur dhe zhytja në ujë të ftohtë (pa kontakt direkt me mishin).
- Mos përdorni kurrë ujë të ngrohtë.
Këshillë praktike: Nëse nuk keni kohë, mishin e pulës mund ta gatuani edhe pa e shkrirë, por duhet të zgjasni përpunimin termik dyfish më shumë. Kjo metodë nuk rekomandohet vetëm për fërgim, pasi mishi lëshon ujë dhe spërkat kuzhinën.
