Protesta masive kundër Presidentit të SHBA-së, Donald Trump, u zhvilluan në rreth 3,300 vende në të gjitha shtetet e SHBA-së, me miliona qytetarë që dolën për të shprehur pakënaqësinë e tyre me politikat e tij.
Protestat janë pjesë e lëvizjes “Pa Mbretër”, të cilën organizatorët e përshkruajnë si rezistencë jo të dhunshme kundër sundimit autoritar nga Shtëpia e Bardhë.
Demonstratat janë përhapur edhe përtej Shteteve të Bashkuara, me tubime në të paktën 15 vende në të gjithë Evropën, Azinë dhe Australinë, duke i dhënë valës së protestave një karakter global, raporton BBC . Qytetarët janë të pakënaqur me luftën me Iranin, presionet ekonomike, politikën e imigracionit dhe kufizimin e disa të drejtave. Disa protestues theksuan se rritja e çmimeve të mallrave bazë po e përkeqëson më tej situatën.
Protestat vijnë në një kohë tensionesh të larta politike dhe rënieje të mbështetjes për presidentin amerikan, me disa nga mbështetësit e tij që shprehin gjithashtu pakënaqësi.
