Forcat Mbrojtëse të Izraelit (IDF) kanë publikuar foto të disa zyrtarëve të lartë iranianë, për të cilët pretendojnë se janë vrarë gjatë një sulmi të koordinuar të zhvilluar mëngjesin e sotëm në një kompleks në Teheran.
Sipas njoftimit zyrtar, përveç Udhëheqësit Suprem të Iranit, Ali Khamenei, në operacion dyshohet se janë eliminuar edhe Komandanti i Korpusi i Gardës Revolucionare Islamike (IRGC), ministri iranian i Mbrojtjes, kryetari i Organizatës së Inovacionit dhe Kërkimit Mbrojtës (SPND), këshilltari për sigurinë kombëtare i Khameneit, si dhe kreu i byrosë së tij ushtarake.
Autoritetet izraelite e cilësuan operacionin si një goditje të drejtpërdrejtë ndaj strukturës më të lartë drejtuese ushtarake dhe të sigurisë së Iranit. Deri në këto momente, nga ana e autoriteteve iraniane nuk ka pasur një konfirmim zyrtar lidhur me pretendimet e Izraelit.
