Kryetari i Qeverisë, Hristijan Mickoski, në emisionin “Vetëm Intervistë” në Televizionin Kanal 5, përmendi bllokadat nga ana e Bullgarisë dhe kushtet të cilat ia vendosin shtetit për anëtarësim në Bashkimin Evropian.
Kryeministri theksoi se Maqedonia nuk do të bëhet anëtare e BE-së me çdo kusht, sepse ky popull dhe shtet kanë dhënë shumë gjatë këtyre 30 viteve të fundit.
„Të gjithë jemi për në BE dhe të gjithë duam të jemi pjesë e BE-së, por jo me çdo kusht. Sepse, po të ishte kjo gjëja e parë, nuk do të kishte asnjë problem dhe do të uleshim dhe do të bisedonim. Ky popull, këta qytetarë dhe ky shtet kanë dhënë shumë, më shumë se kushdo tjetër dhe qytetarët janë të ngopur me një politikë të tillë të stilit tani ose kurrë, dritarja është e hapur, ky është momentumi, e dëgjojmë nga Sollana“, tha Mickoski.
Kryeministri Mickoski tha se këto nuk janë ndryshimet e para që kërkohen, duke theksuar se identiteti ynë është ndryshuar, nga flamuri deri te emri, të gjitha këto janë pjesë e vlerave themelore të një identiteti, atribute që e përkufizojnë atë, duke theksuar se në të kaluarën këto atribute janë ndryshuar një nga një, ndërsa tani, sipas tij, kjo nuk do të ndodhë më.
„Ajo që po bëjmë tani do të ndikojë të ardhmen dhe atëherë ato gjenerata do të gjykojnë se kush çfarë ka bërë dhe si ka vepruar“, është decid Mickoski.
