Urim Saliu
Kandidatët, cilësdo parti qofshin, nëse humbin zgjedhjet lokale, duhet të përjashtohen përgjithmonë nga politika. Vetëm kështu pastrohet terreni politik i mbushur me të njëjtat fytyra, të njëjtat premtime të pambajtura dhe të njëjtat pazare.
Ne kemi nevojë për njerëz profesionistë, të përgatitur dhe të pashitshëm, që nuk bëjnë kompromise për interesa personale apo marrëveshje me partitë maqedonase. Realiteti është i hidhur: koalicionet shqiptare sot janë të lidhura me partitë e mëdha maqedonase, të cilat diktojnë gjithçka. Shpesh, ato shkelin verdiktin e popullit shqiptar dhe marrin në qeverisje kë të duan, jo atë që zgjedh elektorati shqiptar.
Atëherë, përse shqiptarët duhet të dalin në votime, kur fati i koalicioneve nuk përcaktohet nga vota e tyre, por nga marrëveshje të errëta në prapaskenë?
