Në vitin 2025 është regjistruar rasti i parë i asaj që konsiderohet si një ‘snuff’ film komercial – një video e ekzekutimit të një burri, e prodhuar me qëllim shitjen si përmbajtje.
Sipas një hetimi të medias VICE, materiali me titull “Vietnamese Butcher” po qarkullon në grupe të mbyllura në Telegram dhe në tregje të errëta online. Paketa përfshin disa versione të pamjeve filmike si dhe rreth 100 fotografi, me çmime që variojnë nga 100 deri në 600 dollarë.
Hulumtues online pretendojnë se viktima është Nguyen Xuan Dat, 27 vjeç, nga Vietnami, i cili për vite me radhë kishte postuar në forume në internet mbi fetishin e tij të lidhur me prerjen e kokës.
Autori i krimit nuk është identifikuar ende. E vetmja gjurmë e dukshme është një tatuazh me shifrën “13-9” në krah, i cili mund të ndihmojë në hetime.
Ky rast ka ngritur alarmin mbi komercializimin e dhunës ekstreme në internet, duke ringjallur debatet mbi sigurinë digjitale, censurën dhe rolin e platformave në ndalimin e përhapjes së materialeve makabre.
