Pollogu është sinonim i sipërmarrësve, njerëzve punëtorë, me iniciativë të fortë private, me një “nuhatje biznesi”. Dhe me një sfidë të madhe për të treguar se janë më të suksesshëm se ata të qytetit. Pollogu, me një fjali, është një shembull se si në Maqedoni mund të drejtohet një biznes i madh nga një fshat.
Pollogu është një përjashtim nga rregulli që zbatohet në Maqedoni se qyteti vrau fshatin. Fakti që edhe katër kompanitë më të mëdha sipas të hyrave janë të vendosura në komunat rurale tregon se sa e fortë është iniciativa private në kombinim me patriotizmin lokal në Pollog.
Pollogu është lugina më veriore në Maqedoni, e cila ka dy atribute kryesore që e dallojnë atë nga të gjitha të tjerat. E para është demografike dhe rrjedh nga popullsia më e dendur në krahasim me të gjitha rajonet e tjera dhe diasporën më të madhe.
E dyta është se Pollogu është një inkubator i madh biznesi me numrin më të madh të sipërmarrësve, një pjesë e konsiderueshme e të cilëve tashmë janë biznese të suksesshme dhe të mëdha. Me një fjalë, Pollogu, dy qytetet e tij të mëdha, Tetova dhe Gostivari, dhe vendbanimet e shumta janë mbretëria e iniciativës private. Është pikërisht kjo kulturë jashtëzakonisht e lartë e drejtimit të biznesit privat që buron nga fakti se ky rajon ka pasur emigrantë të shumtë në vendet e Evropës Perëndimore dhe në Shtetet e Bashkuara për dekada të tëra. Statistikisht Pollogu ka mbi 300.000 banorë në letër, por për shkak të migrimit të madh ekonomik, numri aktual i banorëve të përhershëm është më i vogël. Në luginë ka një aktivitet të veçantë ekonomik gjatë muajve të verës kur tradicionalisht mbahen dasmat e ndryshme. Pollogu njihet si rajon me tokë shumë pjellore, bujqësi të zhvilluar privatisht, shumë të pasur me ujë, dhe më e rëndësishmja, me njerëz punëtorë dhe të zellshëm që janë sipërmarrës të dëshmuar dhe afarist të mëdhenj.
Cilat janë bizneset më të mëdha private në Pollog?
