Kreu i Çeçenisë, Ramzan Kadyrov, ka përsëritur deklaratat e presidentit rus Vladimir Putin lidhur me gatishmërinë e Rusisë për t’iu përgjigjur një lufte me Evropën, nëse një përballje e tillë do të niste nga ana perëndimore.
Në një mesazh në kanalin e tij në Telegram, Kadyrov shkroi se trupat çeçene janë të gatshme të veprojnë menjëherë nëse Putin jep urdhrin.
“Ne sigurisht nuk do të qëndrojmë me ceremoni. Vladimir Vladimirovich, jemi në pritje të urdhrit! Gjithçka do të përfundojë shumë shpejt dhe sigurisht jo në favor të atyre që vendosin të nisin luftë kundër Rusisë”, deklaroi ai.
Deklaratat pasuan komentin e Putinit, i cili u shpreh dy ditë më parë se Rusia “nuk ka ndërmend të shkojë në luftë me Evropën”, por se është “plotësisht e përgatitur tani” nëse një konflikt nis nga pala tjetër.
