Më 31.07.2025 në ora 19:30 në rrugën “Iliria” në Tetovë, punonjësit e policisë nga SPB Tetovë kanë privuar nga liria personat S.L.(21) nga fshati Merovë e Tetovës dhe A.L.(22) nga Tetova, sepse u është gjetur dhe konfiskuar një substancë e bardhë pluhuri. Ata janë mbajtur në stacionin policor dhe pas dokumentimit të rastit, ndaj tyre do të përgaditet një kallëzim përkatës.
……
Më 31.07.2025 në ora 19:20 në SPB Tetovë, personi A.I.(28) nga fshati Xhepçisht i Tetovës, ka denoncuar se rreth orës 17:00 para një objekti hotelerik në fshat është sulmuar fizikisht nga bashkëfshatari i tij N.M., ndërsa pasi vëllai i tij V.I. e ka vërejtur këtë, është munduar t’i ndajë dhe i është kundërpërgjigjur sulmuesit N.M. Janë duke u ndërmarrë masa për zbardhjen dhe dokumentimin e rastit.
……
Më 31.07.2025 në ora 15:30 në Departamentin Policor në Kamjan, personi B.K.(48) nga fshati Kamjan, ka denoncuar se rreth orës 14:45 në rrugën e fshatit është sulmuar fizikisht nga bashkëfshatari i tij I.”N”(65). Janë duke u ndërmarrë masa për zbardhjen dhe dokumentimin e plotë të rastit.
……
Më 31.07.2025 në ora 23:15 në rrethrrotullimin e rrugës “Iliria” me rrugën “Ilinden” në Tetovë, punonjësit e policisë nga SPB Tetovë kanë shoqëruar një të mitur nga fshati Zhelinë e Tetovës, sepse ka prishur rendin dhe qetësinë publike me sjellje agresive. I mituri, i është dorëzuar prindit të tij.
……
Më 31.07.2025 në 16:20 në DPB Gostivar, personi A.Z.(42) nga fshati Çegran i Gostivarit, ka denoncuar se ditën e mëparshme rreth orës 14:00 në vendin e punës në Agjencinë për punësim, pas një grindjeje të shkurtër, është sulmuar fizikisht nga L.”N”. Janë duke u ndërmarrë masa për zbardhjen dhe dokumentimin e rastit.
……
Më 31.07.2025 në 19:50 në DPB Gostivar, G.I.(39) nga Gostivari ka denoncuar se rreth orës 18:00, për shkak të mosmarrëveshjeve paraprake, është sulmuar fizikisht nga N.R. nga Gostivari. Janë duke u ndërmarrë masa për zbardhjen dhe dokumentimin e rastit.
……
Më 31.07.2025 në 20:15 në Sheshin e Qytetit në Tetovë, punonjësit e policisë nga SPB Tetovë kanë shoqëruar një 15-vjeçare nga Shkupi, sepse te ajo është gjetur dhe konfiskuar një thikë. Ajo është mbajtur në stacionin policor dhe pas dokumentimit të rastit, do të përgaditet një kallëzim përkatës sipas nenit 80 të Ligjit për armët. E mitura i është dorëzuar punonjësve të Qendrës për punë sociale Tetovë për procedura të mëtejshme.
……
Më 01.08.2025 në 00:00 në DPB Gostivar, E.I.(33) nga fshati Çegran i Gostivarit, ka denoncuar se më datë 29.07.2025 rreth orës 20:00 nga shtëpia është larguar nëna e tij Q.I.(53) nga fshati Çegran. Janë duke u ndërmarrë masa për gjetjen e personit.
……
Më 31.07.2025 në 12:45 në SPB Tetovë është denoncuar se në rrugën rajonale Tetovë-Kodra e Diellit, në fshatin Lisec të Tetovës, një veturë “mini Kuper” me targa kombëtare zvicerane, e drejtuar nga 57-vjeçarja Z.I. nga Tetova, ka dalë nga rruga. Në aksident, lëndime të rënda trupore ka marrë vozitësja Z.I., ndërsa lëndime trupore ka marrë bashkëudhëtarja B.R. (27) nga Tetova, të konstatuara në Qendrën Urgjente në Spitalin Klinik Tetovë. Isnpektimin në vendin e ngjarjes e ka kryer ekipi i SPB Tetovë.
……
Gjatë ditës së djeshme (31 korrik) në rajonin e SPB Tetovë është kryer një kontroll i automjeteve dhe shoferëve. Gjatë kontrollit janë zbuluar dhe sanksionuar gjithsej 29 shoferë (TE-17 dhe GV-12) për parkim të parregullt, nga të cilët 20 (TE-11 dhe GV-9) janë ngritur me automjet special merimangë. Gjithashtu janë sanksionuar edhe 48 lloje të tjera të kundërvajtjeve në komunikacion (TE-34 dhe GV-14).
