Shkup, ndërroi jetë 15 vjeçari pasi u përpoq që të fotografohet mbi tren

Treni-640x330.jpg

Ka humbur jetën djaloshi 15 vjeçar i cili më 7 prill ishte lënduar rëndë pas goditjes së marrë nga rryma elektrike, përderisa ka tentuar të fotografohet mbi një vagon në depon e Hekurudhave të Maqedonisë.

Ministria e Punëve të Brendshme ka njoftuar se i riu dje pasdite në Qendrën Urgjente ka humbur jetën si pasoj e goditjes së marrë.

Aksidenti ka ndodhur më 7 prill. I riu, rreth orës 19:00, ka hipur në vagonin  ndërsa shoqja e tij 13-vjeçare ka dashur ta fotografoj. Ai është afruar tek kablloja elektrike e cila ka pasur tension të lartë. Nga goditja ka marrë lëndime të rënda.

Të punësuarit në depon kanë thirrur ndihmën e shpejtë ndërsa djaloshi është dërguar në spital.

Fatkeqësisht ai nuk ka arritur t’u mbijetojë plagëve të marra.

Komentet
Top