Futbollistët e Arsenalit kanë pësuar edhe një humbje në derbi në Ligën Premiere. Pasi që para disa ditëve kanë pësuar nga Mançester Junajtedi (3:1), të dielën ata janë gjunjëzuar edhe në ‘Stamford Bridge” nga Çelsi, 2:0.…
Tashmë situata në renditje për Arsenalin nuk është aq e mirë, duke pasur parasysh se Çelsi ka 9 pikë më shumë, derisa Mançester Junajtedi 7 pikë më shumë. Por, përkundër ngecjes së madhe në pikë, trajneri i Arsenalit, Arsen Venger, nuk e ka humbur shpresën në garën për titull. “Nuk mund të lavdërohemi me gjendjen në renditje, por ende nuk jemi humbës në luftën për titull”, ka pohuar Venger, edhe pse tifozët e Arsenalit duket se janë mësuar me deklaratat e tilla të francezit. “Ndeshja e ardhshme është vendimtare për ne. Do të luajmë si vendas ndaj Liverpulit dhe duhet të marrim tri pikë. Nëse e realizojmë këtë objektiv, atëherë edhe më tutje do të jemi në garë për titull”, është shprehur Venger.
