Roma ka fituar derbin e javës së 23-të të kampionatin italian Serie A, pasi e mposhti të dielën mbrëma në Firencë, Fiorentinën vendëse me rezultat 1:0 me golin e Vuçiniçit tetë minuta para përfundimit. Skuadra e Interit në “San Siro” ka mposhtur Kalarin me rezultat 3:0 dhe pas barazimit të Milanit në Bolonjë 0:0, ka krijuar dhjetë pikë epërsi nga rivali i qytetit.
Me tri pikë të reja romakët kanë depërtuar në vendin e dytë të renditjes tabelore me 44 pikë, tetë më pak se Interi në vendin e parë por, “Kaltër e zinjtë” kanë takimin e pa zhvilluar nga java e 22-të kundër Parmës. Milan tashmë pas një kohe të gjatë është zhvendosur në vendin e tretë me 42 pikë dhe një takim të pazhvilluar me Fiorentinën.
Home » Sport » Roma ngjitet në vendin e dytë – VIDEO
