Presidenti amerikan Barak Obama është mashkulli më elegant i planetit. Eshtë ky rezultati i një sondazhi të kryer nga ekspertët e faqes së internetit OnePoll.com, që ka renditur në vend të parë shefin e Shtëpisë së Bardhë para shumë figurave të njohur të botës së artit dhe kinematografisë. Në vend të dytë renditet Bred Pit, i vlerësuar për kapacitetin e tij për të qenë gjithnjë elegant me kostum por edhe me xhinse. Ndërsa në vendin e tretë është pozicionuar futbollisti Dejvid Bekam, një nga njerëzit më të fotografuar në botë dhe imazhi i fushatës publicitare të stilistit Xhorxhio Armani.
