Ish ushtaret e Ushtrise Çlirimtare Kombetare te Maqedonise e udhehequr nga Ali Ahmeti sot nepermjet nje komunikate per mediumet kane theksuar se rreshtohen pas kandidatures se pavarur per prefekt te Gostivarit , Prof.Dr Rufi Osmanit. Me poshte botojme ne teresi letren e ish ushtareve te UÇK-se.

- Duke marrë parasysh situatën e krijuar në komunën e Gostivarit pas vendimit të shumëpritur të rikthimit në skenën politike të profesorit Rufi Osmani dhe kandidimit për kryetar të komunës së Gostivarit,

- Duke vlerësuar lartë rolin e tij të hershëm dhe të pakontestueshëm për reprezentimin më të fuqishëm të vullnetit të shqiptarëve të Maqedonisë, në lidhje me statusin e tyre në këtë vend,

- Duke vlerësuar respektin dhe përkrahjen e tij që i bëri në të gjitha mënyrat e mundshme, si dhe përmes punës shkencore dhe publicistike kryengritjes shqiptare të vitit 2001 në Maqedoni,

- Të irrituar tejmase nga lojrat shumë të ulta politike të partive shqiptare, përmes koalicionimeve jo të natyrshme dhe garës së turpshme, për të qenë me çdo kusht pjesë e pushtetit,

- Të dëshprëuar dhe të revoltuar me faktin se Nevzat Bejta duke e pritur me lule në sheshin e Gostivarit kryetarin aktual të Maqedonisë, në shkurt të vitit 2006 rehabilitoi fajtorin në vendin e krimit,

- Të përbuzur nga uzurpimi i meritave të ish ushtarëve të UÇK-së nga Gostivari me rrethinë nga ana e Nevzat Bejtës, me futjen në dorë në mënyrë jotransparente dhe jodemokratike të pozitave që i shfrytëzon pas vitit 2001 e këndej,

- Të ofenduar skajshmërisht nga keqpërdorimi i epopesë së lavdishme të ish UÇK-së për përfitime politike në këto zgjedhje lokale,

- Të revoltuar me mënyrën despotike të udhëheqjes së komunës së Gostivarit nga Nevzat Bejta me klanet e tij nepotike, që i prijnë biznesit të zi dhe krimit urbanistik,

- Të indinjuar thellë nga presioni i madh dhe kërcniëmet që përjetojnë qytetarët e Gostivarit nga aktivistët e Nevzat Bejtës, me ushtrimin e dhunës ndaj të drejtave elementare, si shprehjes së mendimit të lirë dhe bindjes politike,

- Duke u bazuar në faktin që në komunën e Gostivarit tani më po ndodh fenomeni i degradimit të votës shqiptare me pazarllëqet që përmes votës joshqiptare të përmbyset vullneti i elektoratit shqiptar, i cili më 22 Mars në mënyrën më demokratike deri më tani, ishte në mbështetje të plotë të profesorit Rufi Osmani,

- Duke u bazuar në këtë vullnet të lirë të qytetarëve të Gostivarit që në mandatin e ardhshëm të kemi qeverisje lokale demokratike dhe transparente, që do të hap perspektiva të reja për të gjithë qytetarët,

Ne, ish luftëtarët e vitit 2001 nga komuna e Gostivarit me rrethinë, lëshojmë për opinion këtë:

K O M U N I K A T Ë

Ne ish ushtarët e Ushtrisë Çlirimtare Kombëtare nga Komuna e Gostivarit përmes nënshkrimeve tona që shprehin vullnetin tonë të lirë, me respekt dhe bindje të plotë e mbështesim kandidaturën e profesorit Rufi Osmani për kryetar komune, duke u apeluar njëherit të gjithë qytetarëve të Gostivarit me rrethinë, që përmes votës së tyre të dëshmojnë pjekuri politike e kombëtare dhe me këtë të mundësojmë parandalimin e degradimit dhe përbuzjes së vullnetit të shqiptarëve të Gostivarit, por edhe më gjërë.

Gostivari mbart me vete historinë e dhembjes dhe krenarisë, sakrificës dhe rezistencës heroike në mbrojtje të interesit kombëtar, andaj bëhuni pjesë e kësaj historie duke votuar ndryshimet, me në krye profesorin Rufi Osmani.

Lajme tjera:

• Pas rezolutës, në fokus bisedimet Kosovë-Serbi
• Forumi Ekonomik Botëror, Shqipëria shënon rritje
• Gëzuar festën e Fitër Bajramit
• Meta: Diplomacia shqiptare po intensifikon përpjekjet për njohjen e Kosovës
• Për shqiptarët në Maqedoni 8 shtatori, ditë e zakonshme
• Berisha me megaplane për 100-vjetorin e pavarësisë
• Myslimanët nesër e festojnë Fitër Bajramin
• Fajon apel BE-së: Të vendoset data e liberalizimit të vizave
• Kur do të pranohen vendet e Ballkanit Perëndimor në BE?
• BE-ja dhe Serbia “Lojë shtesë” për Rezolutën