SHBA-të e armatosin Izraelin përmes portit grek Astakos, ku kanë mbërritur 325 kontenjerë municion, të dedikuar për ushtrinë izraelite.

Këtë sot e shkruan gazeta greke “Ta nea”, duke publikuar një dokument të flotës ushtarake amerikanë, që përmban të gjitha të dhënat për transportin konkret të municionit.
Informatën e demantoi Ministria greke e Punëve të Jashtme, për dallim nga Pentagoni prej ku është konfirmuar besueshmëria e informatës, por për shkaqe sigurie nuk komentohen marshrutat e flotës ushtarake amerikane.

Municioni, deri në fund të janarit nga Astakosi duhet të dërgohet deri në portin izraelit Ashdod. Për dërgesën autoritetet amerikane pohojnë se është pjesë e marrëveshjes për furnizim të armëve midis SHBA-ve dhe Izraelit të vitit 1990 dhe nuk ka lidhje me operacionet në Gazë.

Informata shkaktoi reagim të ashpër të opozitës greke, si dhe të organizatave palestineze.

lajme tjera