Aksion i gjerë për kërkim të të akuzuarit për krime lufte nga Tribunali i Hagës, Ratko Mlladiq dhe ndihmësit e tij është në rrjedhë në Serbi.
Këtë sot e lajmëroi radio B-92 e Beogradit, duke shtuar se aksioni zbatohet në qytetin Valevë dhe rrethinën e tij.
Aksioni, siç bëhet e ditur, zbatohet me urdhër të Prokurorisë për krime lufte, ndërsa hetimi duhet të përcaktojë se kush ndihmon Mlladiqin në fshehjen, si dhe t`i zbulojë të dyshuarit që i ndihmojnë financiarisht.
Në rrjedhë është bastisja e një sipërmarrjeje në paralagje të Valevës, ndërsa atë janë duke e zbatuar pjesëtarë të xhandarmerisë, të pajisur me armë automatike.
